coldgym

今朝好野，五點五十五分起左身，走去廁所，再攤下，我隔離個可惡鄰居又出動了，開左門大聲講野，佢把好勁，穿透力好強架，仲好響，攪到我典來典去，仲有我又怕鬧鐘響，攪到我訓得唔好

今日終於七點八先起，成九點先返到去，明明八點七係上環都要咁耐先返到去，仲要九點有人行地盤，一返到去就要換鞋落去了

好彩九點半都食到大家樂，仲見業主的人蛇落去食哈哈

今日黑仔，開夜咁耐，今日最遲走，八點半先開始，九點幾都係第一車，仲要係十點

我今日食野食得好密，哈每兩三個鐘就食一餐，中午果戲食米粉，因為無咩胃口，十點先食完早餐，食完午餐同同事行電腦商場，再去馬會，之前有兩張安慰獎，到頭來原來係三張哈哈

跟住三點幾又去食tea 了，今次食埋要等到好夜先有機會食架，所以食多少少，朱扒飽加雞翼

後來返到去，話要找返上次地盤body check 的資料，我記得地盤好似放左份，我就落去找了

有三塊大木板阻住左個文件櫃，超重，我無移開佢，淨係扶住，個欄入面好尖，整到我隻手好q痛啊

係五點幾時，隻眼開始累，都係硬住頭住隻眼炸哈哈，到放工時間後，我就唔理咁多，係咁上網，打電話比同事先知，大獲了，八點半先來車，頲計起碼十一點先走….

仲要黑仔到中途有架車撞到商場的野，大獲啦，即刻夾口攻先

我都話唔夠高過架車啦，點知就撞了

我就影晒相，返去office 時，我用幾個 card reader 都讀唔到張sd card , 真黑仔，試過兩部電腦，幾個 card reader , 成半個鐘都唔得，趕住要send , 就咁樣玩我，我知道呢d時候愈急愈躁，就會愈做唔到野，大叫兩聲，比自己定d來

最後都比我攪掂，用了第四個 card reader …………………

攪完都十一點幾，足足半個鐘先send 到封 email , 出到去，見到最後一件貨未運，心知不妙，因為過了時，過左如果有人投訴，就會比人告，所以我都係急急腳走，咩都唔知

去到車站見到960即上車，返到去我就轉的士了，回到家成12:30

今日就原來返工的，不過我就懶訓，十點幾先醒，途中又有人找我，我再檢下電郵，原來有點點麻煩野要解決，所以我就返去了

今日唔坐巴士，我上左非法村巴，因為想快點返到去早點走

不過出到去都十一點半，我就先找同事食午飯先，今次去食日本野，無錯就係果度，佢成十一點九先開，我地係第一批客人

中醫話唔食得咖哩魚生等咁我就食滑蛋朱扒飯

食完飯返上去，好靜，得果幾個人返工，咁我就係咁咦做下d簡單工作，上下網，聽下歌就準備走了

不過都係唔多放心，落左去行左轉，成身都濕晒了

今日確係少左人開工，不過最怕聽日落大雨返工炸，好彩我夜晚有查電郵，呵因天氣關係，取消吊運

不過就係呢個天氣問題，攪到我唔偷得懶哈

上網見到羅先生，佢都原本要剪髮，就約佢一齊去剪，我坐車返來時，好塞車，塞左幾個字車啊，咁羅生就入去先了

我過左幾個字先到，我行到門口，唔敢入去，仲專登兜左個圈先入去，因為未有心理準備，我份人就係咁麻煩

今次又係等，剪完羅生後，又要剪多個先到我。成五點先開始，等左個半鐘了，我本雜誌睇左兩三次了

我今次想剪短d.不過哥仔話唔好，話剪碎好睇d佢話事啦，效果幾好啊，睇落短短地，唔錯啊

剪完後去食下野，行去新墟時，比個路口玩死，果時超大雨，個燈位又唔轉燈，成條褲都濕晒了

係麥當當食野，唔行咁遠了，叫左個 shake shake 餐，查實我都好耐無係麥當當食野，可能有半年了

坐左一陣就走了，咁我就去坐的士，路口有架，不過截唔切，跟住係街市附近見到有一架，但係見到附近的士站咁多人排隊我就無截果架了，我就行到另一個的士站，等左好q耐都無事，成三四個定都有了，我前排有班死靚仔，係咁係度玩，果時又大雨，我成日都濕晒又無車，如果佢玩果時整到我，佢地就唔好彩了，我就會發洩一下哈哈

d的士，係落雨天時週圍都無的，平時就多到嚇死人，排住等你，我頂

上左的士都見到超大風大雨，的士佬仲話點解唔掛八號，黑雨喎

我一落車，果d勁風就吹到我把遮都反埋，有都等於無，今次就連頭都濕晒，gel 都無埋

 

今日真係忘到死，今朝我先沖涼洗頭，因為尋晚我好早就訓左，一訓就到天光

雖然我尋晚訓咁多，不過我一樣都覺眼訓哈哈

今日又有人睇地盤，今次係睇環保，一攪就半日了，好彩就半日姐

下午我同同事去左飲茶，講真都真係好少同同事私下去飲茶，好多時都係公司數或者判頭請的

下午本來計劃去勞工處交文件續牌的，我臨急時係lunch 後影印，寫好晒文件，雖然d字難睇d哈哈

我都係尋日先齊証書

點知下午時，有人send email 比我，要我解答，但係我答左就會比人擺上tgable ,攪到我左度右度

答左啦最後，準備走時，我頂，又備大老細行地盤，我又要出去準備，準準準準準到三點半………….

之後我就直出荃灣，交完文件就準備去九龍城睇，其實我都預左可能要個幾鐘架啦，點知…哈哈

我坐去慈雲山的小巴，因為可以係鑽石山落車，好似近d九龍城咁，我仲想行過去tim, 不過我份人，一係就好慳，一係好豪，咁當然係坐的士啦

我係九龍城落車，我唔記得左間醫館叫咩名，我就由街尾行返上去，我怕找不到，我就試試問她，好彩她回覆我，當她回覆我後，我就立即見到了，

果然名不虛傳，係超多人，我就排在最後了，那個位置很大風啊，吹到我呢

排左好耐先郁得一個，心知不妙，有點點點想走，不過一場來到就要試試，我都係等左個幾鐘先話我個位坐下，我後面都有人排排下走了，我拿出notes 出來溫，溫溫下都無心機了，不如得閒望下街啦哈哈

多謝多多話我知呢間野同佢的提示，我不敢走開，因為我第一次來唔知頭唔知路，怕要再等哈哈，希望我食晒藥會面色紅潤d啦哈哈，過左七點幾就快左好多啦

八點幾都睇完，天都黑晒，買完本e-zone 就趕去車站了，九龍城真係好多野食，好多泰國野食唔哈哈

落車時早點回家，我又坐的士啦哈哈

或者下個星期四請日假溫下書先

今日收到兩個internal mail , 一個係老細派的，一個係人事部派的，老細派果封，嚇死我，我有點驚係d warning letter haha

人事部果封，原來係我之前 claim 睇跌打的單，真係大打擊，原來唔claim 得的，我頂

今日返下午，不過我十點半都出門口了，因為下午有人來睇地盤，係比賽評審來的，呢幾個月，每星期都有人來睇地盤，攪到我日日都身心疲累啊

食完飯，我就開始準備，兩點半人到了，係上面寫字樓都傾左成點鐘咁濟，悶死我

今日戴帽的時間好長，個頭出左好多油，好立，呢個星期六等我剪短d頭髮先

 

今朝先知要開夜，仲要成八點幾先開始，我都係十二點先返到家

今日很累了

三點幾食完下午茶，到夜晚都無食過野，我又唔覺肚餓，不過我的確好少會覺得肚餓的，我係想食野就會食野的人

好似今朝九點幾食完吉野家，十一點幾食飯，三點幾又食過啦

今朝食雞肉前一丁，平時我會飲埋味精水，今日就無咩點飲到，我知無益的

星期四有人睇地盤，經理好緊張捉左我兩次去行，今日落去時唔知點解週身痕，好多野咬咁，我都係果時先知要開夜炸

過膠時，過左兩張風琴魷魚出來

下午本想去紅磡拿番部電腦，我係金鐘一上就上左去順利村的車，過左銅鑼灣就知大獲，原來唔經紅隧的，係直0去東隧架，激死我

我就無落車，我就決定去左觀塘先，拿番張証書，係職安局果張，拿完先去取電腦

拿完証書，我一路行去車站，都找不到去尖沙咀東和紅磡的車，咁我就坐我最愛的的士去紅磡了

好彩上到去，無咩人，我怕要等好耐，好彩第一個就係我

咁取完後我就坐火車轉地鐵返金鐘了

不過今晚開夜就慘了，原本七點來車，最後成八點半先有車到，攪到我好夜先走得

你不留言，你還有在看嘛？

今天腰傷好像多了點，我任性地不去看跌打，像個小孩一樣

到了下午，我和媽媽去了市中心逛逛，和吃lunch , 好像開了很多新食店啊

吃了上海菜，是新開的

今天的太陽很猛烈，紫外光很強啊，照到皮膚是痛的，如今日要戶外工作一定很傷

今天回到家只是四點，看了一會雜誌，我又去睡了

睡到七點起床

看到她del all her memories , 看到了，很痛很痛

不過我真的令她太苦了

之後我就開始準備溫書